Diamars atardi a drenta informe di un caso di maltrato tumndo lugar na un adres na Tanki Leendert, mesora a dirigi un patruya na e sitio. Na yegada di e patruya a bin compronde cu aki no ta trata di un caso di maltrato pero nada mas cu tata poniendo su yiu muher di 15 aña na waterpas. For di merdia e mucha a bira desobediente y tabata tira porta di auto duro papia fresco y pa sorpresa di tur hende e di cu e ta bay sali busca un guy. Su tata a gar’e y no kier a laga e mucha bay. Polis a tuma e mucha over y a bay na warda di polis pa papia cun’e y splik’e cu e cosnan no ta bay asina y cu e tin cu respeta su tata ya cu e ta esun responsabel p’e te ora e bira mayor di edad. E tata tambe a bay warda y polis a papia cu ambos hunto pa asina cos drecha.
