Diadomingo atardi a drenta informe di un accidente cu hende herida y pega den auto riba Sasakiweg, mesora a dirigi tanto polis ambulans como tambe e equipo di rescate di bombero na e sitio. Na yegada di e patruya a bin compronde cu aki ta trata di un accidente basta pisa unda un Hyundai Tucson coriendo cu velocidad halto bayendo zuid pa un motibo of otro a baha caminda cruza e separacion di caminda bolter saca e motor completo for di e bao di e hood spart varios pieza riba 2 vehiculo di direccion contrario y un otro vehiculo a bay dal tras di un auto cu a kita su dilanti. Aunke 4 vehiculo tabata envolvi ta 1 chauffeur so a resulta seriamente herida. Na yegada di e ambulans nan a cuminsa atende e victima y na yegada di e equipo di rescate mesora a logra libera e chauffeur victima y ambulans a transporte pa hospital. Departamento di trafico y e departamento technico y forensyco a presenta pa haci nan investigacion.
Velocidad halto a bolbe hunga un rol. Pakiko mester blof cu bo auto ta core duro. Si mantene na regla di trafico camindanan ta bira safe.
Hopi SORRY pa informabo ku e typo di Auto nn ey NÓ ta trahá pa kore duro !!! Pesey mes nn ta bolter ora biento drenta bao di nan , esey ta TUR splikashon di e accident . Ora bo kier kore bo auto riba un velocidad más halto ku normal bo mester tin un auto ku stroomlijn vorm pa korta biento . ( Sorry pa mi Papiamento)