Dia 8 di september tawata e dia international di e fisiotherapistanan. Nos kier a manda un pabien grandi ainda na tur e therapistanan rond mundo.
Full luna di september ta luna di fisiotherapie y den e momentonan dificil aki, nos kier a probecha di e oportunidad pa duna poco informacion y diferente ehempel di loke un fisiotherapista por haci, pa juda e pashentnan cu a haya Covid-19.
Tin casonan severo cu por haci cu un hende por jega hasta na wordo interna den hospital. Einan e pashent lo haya ayudo di un ekipo di cuido. Ora e pashent bai cas, ayudo lo sigui entre otro; cu e fisiotherapistanan. Nan lo tin como funcion principal pa juda e pashent pa saca slijm y cu e halamento di rosea. Un fisiotherapista ta un experto riba movecion y ehercicio y por guia e pashent pa planea un programa di ehercicio pa fortalece e musculonan y mehora e condicion di e pashent. Ehercicio ta forma un parti essencial den e recuperacion. Ta importante pa cuminsa den un forma progresivo, pa asina mehora e condicion. Pa cuminsa lo tin ehercicionan mas facil, manera sinta/lanta fei un stoel, cana distancia cortico y para riba tenchi/hilchi. Dor cu e pashent su condicion ta hopi malo, ta mas consehabel pa haci esakinan un rato so, pero diferente biaha pa dia en bes di un solo biaha pa mas largo tempo. Tur esey lo yuda pa mehora e forsa, rosea y energia.
