Oranjestad – 10 di september 2020 – Aruba Bank a sorprende representante di Fundacion Ban Uni Man pa Cria nos Muchanan cu un donacion di dies-shete mil florin (17.000 AWG).

Hamber ta afecta e concentracion y e capacidad di siña di nos muchanan. Aruba Bank ta contento di por apoya y aporta na e iniciativa di alimentacion escolar. Un total di 650 mucha na mas o menos 52 diferente skol ariba nos isla ta ricibi un desayuno diariamente for di e fundacion.

Durante un bishita na nos sucursal na Camacuri, representante di fundacion Ban Uni Man pa Cria Nos Muchanan, Sr. John Fun a ricibi e gesto di donacion for di Aruba Bank. Nos por a conta cu presencia tambe di Sra. Anneline Peterson, Manager Platinum Banking.

Segun Sra. Tamara Waldron, Marketing & PR Manager, nos ta contento di por permiti cu muchanan cu mas mester di e ayudo por sigui ricibi cuminda y cos di bebe nutritivo.

Por contribui na e fundacion Ban Uni Man Pa Cria Nos Muchanan atravez di cuenta na Aruba Bank #2516290190. Pa mas informacion di e fundacion por  manda un email na: r.roos@arubahospital.com

•