Nan tabata pomp e awa mientras tabata tow esaki trese na awanan menos hundo
Diaranzon merdia a drenta informe di un alarma pa un yate riba lama cu tabata pasa awa, mesora tanto Guardacosta como Citro a sali den ayudo. Na nan yegada e metalshark di Guardacosta a tow e y trece na awanan menos hundo na Fuik pa asina evita cu e sink den awanan mas profundo. Guardacosta a ser alerta y alrededor di 12:40 e C-Rescue a sali pa Fuik. A logra saca tur e awa for di e yate na su yegada despues di cu a tow e y a resolve e causa di e inundacion.
Esaki ta otro campaña di rescate di CITRO den colaboracion cu Guardacosta.
Apoya nan bon trabao haciendo donacion na nan. (www.citrocuracao.com/steun )
Kustwacht Caribisch Gebied / Guardacosta di Caribe
