Diabierna madruga a drenta informe di movecionnan sospechoso riba lama y na e beachnan banda di e hotelnan, mesora a pidi yudansa di polis pa vigila y controla riba e beachnan entre Bushiri cu Malmok. Polisnan a controla pero ya esnan cu lo a drenta a bay for di e sitio. Aki un rato nos lo ricibi mas informacion for di Guardacosta di Caribe!
update: Kustwacht a mira un contacto riba nan radar marduga riba anker. Nan a bay Manchebo pa mira si nan ta haye. Tambe nan a pidi asistencia di kpa. Polis a bay tambe Hadicurari. Eynan a topa ku un boto di piscado y e piscado a declara ku nan tawata riba anker marduga y pasa Manchebo pa yega Hadicurari. Nan a bini bek awor pa motibo di TDQ. Esey tabata e informacion total di e susedido.
