ORANJESTAD – Gobierno ta cumpli cabalmente cu pago di Landsbijdrage y ta pasa tur pago di prima di AZV y BAZV pa e organo di ehecucion AZV. Salubridad ta prioridad y aunke cuCOVID19 ta trece cune un crisis di likidez, Gobierno a sa di cumpli cu tur pago na AZV. Pa luna di augustus Gobierno a cumpli cu pago di Landsbijdrage dia 25, a pasa e pago di prima di AZV dia 27 y a cumpli cu pago di BAZV dia 27.
Diaranson Minister Maduro a reuni cu Minister President y Minister di Salubridad riba e situacion di AZV y a informa cuGobierno a bin ta cumpli cabalmente cu tur pago na AZV di Landsbijdrage, prima di AZV y BAZV. Te cu awor na augustuscompara cu cifranan di aña 2019, e balansa ta na cero. Debi na e situacion di crisis, entrada a base di prima di AZV y BAZV a baha compara cu aña 2019 cu respectivamente 13% y 30% cual tapone cu AZV a haya 64 miyon menos na entrada. Cu menos entrada e ta bira un reto grandi pa AZV por cumpli cu tur su obligacionnan. Pesey Gobierno a percura pa den e lunanan di juni, juli y augustus pasa mas placa cu ta posibel pa AZV. Gobierno no a tene ningun placa atras pa AZV y a percura pa reduci e balansadi prima di AZV cu normalmente sa ta habri tur fin di luna, te nacero e luna aki. E crisis di COVID19 ta keda un reto grandi pa nos salubridad y pa finansa di nos Pais. Pesey Minister di Finansa tatrata e retonan aki cu e seriedad necesario y ta traha tur dia papurba mitiga mas cu ta posibel e efectonan di e crisis aki pa nos Pais.
