Conoce un di e agricultornan atras di e platonan spectacular: Local Pride Far
EAGLE BEACH, Aruba – Augustus 26, 2020 – For di sabornan gastronomico internacional te cu pisca sostenibel, carni natural y berdura local, Elements Fine Dining Restaurant por complace tur necesidad nutricional, locual ta inclui platonan vegano, vegetariano y gluten-free. Buscando y uzando productonan nan di halto calidad, organico y sostenibel ta un di e prioridad nan di mas grandi di Michelin-trained Chef Marc Giesbers’, Director di Food & Beverage na Bucuti & Tara Beach Resort. Tur esaki a haci pa e restaurant haya un Wine Spectator Award of Excellence, wordo nombra como un di e Top 10 Fine Dining Restaurants, y wordo reconoci pa brinda e experiencia culinario di mas romantico na nos isla y den Caribe.
Marc su experencia extensivo den F&B ta haci cu e ta continuamente buscando maneranan pa ofrece un experiencia gastronomico cu ta wordo caracterisa door di ingredientenan fresco. “Tin un evolucion na marcha cu nos cuminda na Aruba y e ta spectacular pa wak. Mas y mas agricultor ta produciendo cultivonan di calidad halto cu ta wordo inclui den Elements su platonan,” Chef Marc ta conta.
Localisa na Bucuti & Tara Beach Resort, e hotel di mas eco-certifica y e prome y unico resort pa obtene carbon neutrality den Caribe, e ta crucial pa obtene ingredientenan sostenibel. “Pa hopi aña nos ta trahando cu agricultornan local y nos relacion fuerte cu nan no solamente tin di haber cu e calidad y frescura di nan productonan, pero tambe cu e impacto ambiental cu nan ta laga atras,” Chef Marc ta splica. Como transportacion internacional di cuminda ta forma un parti grandi den con hopi CO2 ta wordo emiti door di cada producto, cumprando productonan local ta yuda baha e impacto ambiental di cada ingrediente drasticamente.
Un di e agricultornan trahando cu Elements restaurant ta Local Pride Farms funda na 2018. “Nos area pa cultiva ta midi 446m2 y ta localisa na San Barbola. Nos ta produci diferente tipo di berdura cu un sistema sostenibel cu ta yama hydroponics,” Renzo Ruiz, Director di compania ta conta. E berduranan cu nan ta cultiva ta baby lechuga, baby arugula, cilantro, baby kale y microgreens.
Den e ultimo añanan, Local Pride Farms a crece y a colabora cu otro agricultornan pa por satisface e demanda creciente. E compania ta spera pa por yuda e isla bira mas sostenibel door di reforma e systema di produccion di cuminda cu climate-smart farms y sistemanan di cultivacion eficiente
“Bucuti & Tara Beach Resort tawata un di nos prome clientenan. Nos experencia trahando cu nan ta excelente! Nos semper ta wordo cuminda cu un sonrisa y e team di F&B ta duna nos hopi apoyo. Trahando cu un cliente cu ta pone nan confianza den nos ta locual ta haci produccion local posibel y ta duna nos e abilidad di sigui crece,” Renzo ta conta. Hunto e restaurant y agricultornan ta treciendo e escena culinario na un otro nivel, teniendo nos planeta y hendenan na curason.
