Diaranzon merdia a drenta informe di cu den Caya G.F. “Betico” Croes, mesora a dirigi un patruya na e sitio. Na yegada di e patruya nan no a topa cun’e pero despues den Wilhelminastraat si a topa cun’e. Polis a nota cu e tabata cana cu un carson cu tabata blo cay y e no tabata tin faha bisti y no tabata tin carson di abao y cada biaha su carson cay su partinan intimo tabata exponi. Polis a coy un pida di e lint cu nan tin den e patruya pa sera e caminda y a duna e adicto pa mara su carson pa esaki no cay mas. Polis a advirtie pa anda drechi.
