Nos ta trahadonan di e compania cu jama AGS (un groundhandler ) na airport. Nos ta  trahadonan cu semper a traha hopi duro pa e compania aki.

Dia cu gobierno a dicidi di sera frontera, sera airport, nos a wordo manda cas y despues nos mester a presenta na oficina pa firma un carta cu ta bisa “EXTRA DAY OFF WITHOUT PAY”

Danki Dios cu nos a hanja “FASE” na e luna di april.
Na mei, juni, juli nos a bai over pa e loonsubsidie. Nos a hanja 60 % di nos salario.

Awor na fin di Juli nos ta wordo jama atrobe na oficina pa nos firma un carta cu ta,bisa: reduction of working hours to zero hours for an undefinite period.

E Carta ta sigi bisa cu AGS ta bai traha cu un grupo selecta. Tambe e carta ta bisa cu e compania no por paga e wage tax / loonbelasting pa tur e trahadonan.

E grupo selecta aki ta bai hanja loonsubsidie y e otro grupo di trahadonan mas o menos 80 hende ta bai wordo saca for di e loonsubsidie. Esnan cu wordo saca for di loonsubsidie mester aplica pa FASE. (FASE RELIEF)

Nos a manda e-mail pa Gobierno na dao.arbeidsgeschillen@gmail.com y gobierno a bisa nos cu esaki no mag y cu nos mester entrega keho na supervision@svbaruba.org. Nos a hasi esei , pero te cu dia di awe nos no a hanja ningun reaccion di SVB.

Nos ta pidi instansianan di gobierno pa intermediacion pa cu e trahadonan cu ta den incertidumbre, no ta bai tin pan mas pa nan y pa nan famia.

Trahadornan di AGS

•