Durante control polis a ripara cu nan descripcion ta cuadra cu e sospechosonan busca pa menasa cu arma un rato prome.
Diadomingo madruga polisnan atento di distrito 1 (Oranjestad) a tuma nota di un auto Hyundai Accent blauw cla cu 2 hoben cu capuchon bisti coriendo cu velocidad halto den un forma sospechoso na Seroe Blanco, mesora nan a bay su tras y a logra par’e. Durante e control a bin descubri cu e 2 hobennan aki tabata cuadra cu e descripcion duna di cu un rato prome lo a menasa algun persona den Caya G.F. “Betico” Croes cu un arma di candela. Mesora a detene ambos persona y a transporta nan pa warda di polis na Shaba pa mas investigacion.
