Nan tabata 3 atracador bisti na preto y tabata papia spaño
Diahuebs anochi a drenta informe di un caso di atraco arma na un cas na Tanki Leendert, mesora a dirigi patruyanan na e area. Na yegada di e patruya a bin compronde cu 3 persona color cla bisti na preto y cu capuchon y tambe mondkapje preto a yega y un di nan cu un arma di candela y a atraca e dama bay cu su cadena di oro. Despues nan a sali core bay nort drenta den un auto chikito color preto y bay nort. Polis a solicita presencia di atraco team y di slachtofferhulp.
Relato policial
CUERPO POLICIAL ARUBA TA INFORMA:
Diahuebs anochi pa mas o menos 9:09 central di polis ta wordo informa di un atraco cu a tuma lugar na un cas na Tanki Leendert.
Na yegada di patruya por a compronde cu un rato prome tres hende homber cu tapabocas y un di nan ta tin un arma di candela. Nan no a papia nada. Nan lo a ranca un cadena di e señora su carganta. Pero esnan na e cas a bringa cu e atracadornan. E atracadornan a huy den un auto color preto y a bay den direcion noord.
Atraco team a presenta na e sitio y tambe departamento di slachtofferhulp.
Ken cu a wak algo of sa algo jama tiplijn di polis cu ta 11141.
Stranjo cu boso lo bisa cu e tres ta papia spañol cu den e noticia oficial di polis ta bisa cu nan no tbt papia…
Forma di racismo!!
No caballero, e cos ta cu polis no ta duna tur informacion completo nan motibonan nan lo tin pero nos cu tabata na e sitio prome cu e polis mes a tende bon cla nan bisa locual a sosode. Pa varios aña caba cu polis no ta duna tur informacion ni hopi detayes (bao capa pa no daña e investigacion) pero nos ta otro nos ta cumpli cu e deber di informa mas mihor posibel. Nos cu nos reporteronan y colaboradornan riba caya ta bini cu mas informacion compara cu e noticianan policial diario cu nan ta suministra prensa. Ora nos puntra e voceronan cierto pregunta nan ta bisa cu nan no por suministra cierto informacion. Saca bo mesun conclusion!