Diahuebs mainta a drenta informe di un accidente basta fuerte unda despues di e impacto e auto a core bay for di Esmeralda, mesora a dirigi un patruya na e sitio. Na yegada di e patruya a bin encontra cu 2 auto destrui y tambe un palo di lus cu daño na Esmeralda, mesora a inicia cu un investigacion y den cercania a bin topa cu e auto cu a ocasiona e accidente. Ta trata aki di un Hyundai Tucson preto cu pa un motibo of otro coriendo cu velocidad halto a baha caminda raspa un palo di lus sigui bay dal un Chevrolet Sonic cu tabata staciona riba acera manda esaki bay pusha un Toyota Mark Z10 preto cu tabata staciona net tras di e Chevrolet. Despues di esaki ela bandona e sitio.
