Diahuebs mainta a drenta informe di un problema cu a surgi unda un trahado a ser kita pero no kier bandona e sitio di trabao na un hardware store na Sasaki, mesora a dirigi un patruya na e sitio. Na yegada di e patruya a bin compronde cu e negoshi tin imagennan di video con e dama aki ta haci su actonan den un forma tactico pa purba di no lanta sospecho algun pero asina mes despues di un revision a haya sa cu e dama aki lo ta hinca cosnan den saco y/of caha y hibanan den e locker di otronan pone eyden y despues e cosnan ta bay perdi y ta haya falta di nan. Como cu e dama tin yiu etc. etc. pa no perjudike gerencia a bisa di no tin mas confianza den dje y ta kit’e mesora pero como cu e no kier a bay polis mester a bini pa splica esey sino nan lo por detene pa ladronicia y cu tur e consecuencianan cu esaki por trese cun’e.
