Pa minimalisa riesgo di contagio y siguiendo e protocol nacional di prevencion, Museo Arqueologico Nacional Aruba (MANA) ta comunica, cu tur bishitante di 12 aña bai ariba, mester bisti un tapaboca (mondkapje) ora di drenta su edificio(nan). Alavez a tuma e medida extra di un logbook den cua cada bishitante mester yena su nomber y informacion di contacto. Den caso cu ta necesario e informacion concerni ta facilita e ‘contact tracing’. E reglanan adicional ta drenta na vigor desde dialuna, dia 14 di augustus proximo.
Banda di e medidanan extra MANA ta sigui cu tur medidanan di precaucion existente, manera uzo di handsanitizer y e practica di distancia fisico di 1.5 meter. E medidanan aki lo keda na vigor te proximo aviso. Museo Arqueologico Nacional Aruba tin e salud di su bishitante y personal na pecho y ta pidi comprension pa e medidanan extra aki.
