Covid-19 no ta culpa di ningun Gobierno y ningun persona. E ta un virus peligroso cu a plama rond mundo. Aruba a sera su fronteranan y hopi hende a pasa trabao sin por tin cuminda. Gobierno di Hulanda a juda Aruba pa tene hopi boca habri. Aruba mester a habri su fronteranan pasobra nos ta depende di turismo pa nos tur biba akina Aruba. Sin turismo Aruba no tin entrada. Awor mala suerte a toca nos y e segundo brote di Coronavirus a bira peor cu esun promer. Esaki no ta culpa ni di Gobierno y ni di ningun hende. Stop di culpa otro pa algo cu no ta bo culpa. Locual mester hasi awor ta sigui e instruccionnan di DVG y di Gobierno al pie de la letra. Nos ta un isla bendiciona cu habitantenan resiliente y balente y hunto nos ta bay
sobrepasa e amenasa aki y crisis humanitario aki tambe. Den nada e ta juda pa bay den panico. Mantene bo mes na regla. Tene distancia. Laba man frecuentemente y no sali for di cas si no ta necesario. Ta cada un di nos mester cuida nos mes. Gobierno no por cuida tur ciudadano. Esey ta nos mesun responsabilidad. Tene fé cu esaki tambe nos lo sobrepasa.
Sra. Mr. Edwina Henriquez, Abogada pa Derechonan Humano y Democratizacion
