Diaranzon madruga a drenta informe di un accidente cu hende herida pabao di e rotonde banda di F.T.A., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un auto a bolter y e chauffeur ta aden pega y a solicita presencia di e equipo di rescate di bombero. Pero un rato despues e chauffeur mes a logra sali for di e vehiculo y a cancela bombero. Locual a sosode ta cu e chauffeur basta cansa den un Nissan March bayendo pabao cu velocidad basta halto na e rotonde a baha caminda ranca un borchi trafico bente basta leu, dal un kashi telefon destrui esaki y bolter keda den banda. Debi na e impacto e chauffeur a resulta herida. Na yegada di e ambulans nan a atende e victima y a transporte pa hospital.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

•