Oranjestad, 04 di augustus 2020—Aruba Bank y Koninging Wilhelmina Fonds a cera un acuerdo na 2019 pa uni durante di e “Walk & Run 2020” pa yuda e fundacion sigui sostene pashentnan di Cancer na Aruba y nan famia.
A pesar cu e situacion di COVID-19 a conduci na cancelacion di e evento anual, Aruba Bank, conciente cu KWKF ta depende primordialmente di donacionnan pa por traha efectivamente y eficientemente, a haci un donacion di AWG15,000.-, na e instancia.
Sra LilllyPrince, Presidente di KWKF a acepta e donacion for di Tamara Waldron, Marketing & PR Manager di Aruba Bank, Diamars atardi na e sucursal na Camacuri.
Aruba ta un isla cu ta conta cu cantidad di casonan halto di Cancer, pues e trabou di KWKF, cu ta un di e fundacionan cu mas aña di existencia den nos comunidad, ta conta cu un necesidad creciente pa ayudo. Aruba Bank ta contento di por contribui na e lucha contra Cancer.
