ORANJESTAD – Departamento di Obra Publico ta informa pueblo di Aruba en general y especialmente e automobilistanan cu entrante dialuna 3 di augustus 2020 te cu diamars dia 18 di augustus 2020, lo cera e caminda di Pos Abou pa asina e trabounan di asfaltamento por continua.

E caminda cu lo wordo asfalta lo ta di Pos Abou #10 te cu Pos Abou #17.

Desviacion via Ponton lo ta via Cocorobana y Pitastraat y desviacion via Pos Abou lo ta via Caya Soeur Dorothea, Caya Soeur Desaderia, Caya Soeur Gararda Majella, Caya Soeur Dionysia, Schotlandstraat sigui pa Caya Ritmo.

Pa e habitantenan cu mester yega nan cas den e area menciona, DOW a traha un “oprit” for di rotonde di Aruba Bank Hato, pa asina nan por yega nan destinacion. Mester menciona cu mester tene cuenta cu trafico cu lo por ta bini di pabou.

En conexion cu esaki Departamento di Obra Publico ta haci un peticion pa no haci uzo di e area di construccion y ta pidi tur automobilista, negoshinan y otro usuarionan pa tene cuenta cu e inconveniencia cu e trabounan aki lo por ocasiona, pa cual nos ta pidi nos disculpa.