Diasabra anochi a drenta informe di un accidente riba e caminda for di rotonde Ser’i Teishi pa bay Barcadera, mesora a dirigi polis na e sitio. Na yegada di e patruya na e sitio a bin constata cu aki ta trata di un accidente hit and run unda cu Chaffeur di un Kia Sportage ta declara cu chauffeur di un Toyota Corolla lo mester a haal e in riba Green Corridor y lo a rasca e S.U.V. E chauffeur di e Kia a yama polis dibiaha y a persigui e Toyota Corolla te casi yega e caminda di Barcadera. Polis a tuma declarashon di ambos chauffeur y a pidi presencia di polis di trafico tambe pa asina por saka afor si e chauffeur nan storia ta cuadra.
