Awa ta lek den e edificio causa un corto circuito den e kashi di lus y alarma a bay ON.
Diadomingo mainta a drenta informe di cu tin alarma di un candela na Meteorologische Dienst den e edificio di Directie Luchtvaart, mesora a dirigi tanto polis como bombero na e sitio. Na yegada di e patruya nan no a nota nada di candela pero paden si a bin haya awa cu ta lek den e kashi di lusnan y esaki a forma un corto circuito cu a activa e alarma. Bomberonan tambe a bini na e sitio pero nan no a haya nada di candela den e luga.
