E chauffeur burachi a bay for di e sitio pero a bolbe pa busca e plachi number pero polis a deteni
Diamars anochi a drenta informe di un accidente hit & run cu hende herida den Kamerlingh Onnestraat, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Hyundai Getz biniendo for di pariba cu velocidad no a duna preferecia y a bay dal den banda patras di un Hyundai H1 van manda esaki bira 180 grado y pone bay dal y kibra un cura di cas. Un pasahero sinta den e van a resulta levemente herida y ambulans a presenta pa atende e victima ey. Un rato despues e chauffeur burachi a regresa pa kita e plachi number di auto y polis a probecha pa detene pa a ocasiona un accidente bao influencia y purba bandona e sitio di accidente.
