Diasabra merdia a drenta informe di un accidente cu hende herida banda di e M.F.A. na Paradera, mesora a dirigi tanto polis como ambulans na e sitio. Na yegada di e patruya a bin compornde cu aki ta trata di un accidente unda cu e chauffeur di un Honda Fit Hybrid no a regula su velocidad ni a mantene distancia a bay dal tras di un otro Honda Fit V-tech cu tabata para den fila tras di un auto cu a bay bira na man robez. Debi na e impacto e dama pasahero a resulta herida y tabata keha di dolor. Na yegada di e ambulans nan a atende dama pasahero pero despues a resulta cu e dama chauffeur tambe ta sinti dolor. Ambulans a atende ambos victima.
