Diaranzon mainta a drenta informe di cu e parkrangersnan durante nan controlnan rutinario a descubri panjanan muha den e area y tambe un kayak y varios voetstap marca riba e santo blanco y a bati alarma ademas a nota 2 persona stranhero canando den parke pero den mondi direccion pa e entrada/salida di Parke Arikok mesora e parkranger a para atende cu nan y a pidi polis bini na e sitio. Na yegada di polis a detene e 2 personanan aki Mientras a bay hiba e illegalnan na warda di polis. POlis a nota un pick-up acercando cu 3 persona aden pa bay drenta e parke pero ora e hendenan aki a mira polis nan a bira bay pabao mesora polis a bay nan tras y a para e pick-up un poco mas pabao. Den e pick-up a topa 2 stranhero y e chauffeur cu ta arubiano polis a detene e stranheronan y a pidi vehiculo di transporte pa detenidonan pa bin buscanan mesora. Mientras nan a detene e chauffeur tambe pa mas investigacion.
Diaranzon mainta nos den forma di primicia y parcialmente exclusivo a manda un informe sin hopi detayes pero locual a ser emiti ta trata di informacionnan in-oficial, e unico informe cu nos a ricibi di polis ta “Dos illegal deteni” “boto cu a yega” nada mas.
Aki ta sigui locual nos mes a logra saca afo ta cu na Parke Arikok 2 persona illegal a ser deteni y hiba warda di polis (2 detencion di illegal confirma pa polis mas despues den e relato aki). Nos a asumi cu aki lo ta trata di un boto cu illegal lo a drenta via lama na e area di Dos Playa. Na warda di Santa Cruz purbando di drenta contacto cu oficina di vocero policial nos reportero no a logra y a dicidi di bay Parke Arikok. Na caminda pa ayanan e reportero a nota cu e vehiculo di transporte di detenido a bolbe sali y a tuma direccion tambe pariba na Macuarima e reportero a hala pa e vehiculo policial pas’e y casi yegando e parke a nota cu tabata tin un pick-up para eynan cu un otro patruya policial. Eynan tabata tin 2 persona apariencia latino deteni (cu boei na man) cual a ser hiba na e vehiculo di transporte di detenidonan y hiba un of otro warda. Na e sitio eynan a keda un otro persona apariencia local cual tambe a ser deteni. Polis a revisa den e pick-up y despues nan a lock e pick-up y a bandona e sitio cu e chauffeur tambe deteni. Nos reportero a puntra e polisnan na e sitio kiko a pasa pero manera tabata di spera niun polis no mag duna prensa ningun informe, e ora ey a bolbe tuma contacto cu vocero policial e ora ey unico cos cu a ser confirma “Dos illegal deteni” y “boto cu a yega”. Por medio di un persona cu pa casualidad tabata pasando cu tour den e parke a informa nos cu tin basta hende banda di Dos Playa. Nos no a ricibi mas informe, na nos humilde opinion tin cosnan ta ser scondi pa prensa y pueblo no haya sa. Un biaha mas nos disculpa pero ainda nos ta keda enespera di e informe policial di e asunto aki. Si polis a informa prensa y prensa bati e alarma pueblo por yuda manera semper pero cu e actitud di sconde informacion ta STROBA.
