Diamars mainta a drenta informe di un kiebro na La Cosa Divina den Caya Grandi, mesora a dirigi polis na e sitio. Na yegada a bin compronde cu aki un ladron a kibra rolluik y manda baranca dor di bentana pa asina por a kibra y drenta horta den La Cosa Divina. Por a tuma nota di hopi glas cu a spart den e negoshi, e ladron lo mester a bay straight pa a kassa pero no a haya nada den esai y a kibra esaki como tambe a ranca e systema di alarma for di muraya. E ladron lo mester a bay cu diferente articuloanan di showcase, entre otro bril di solo, rhinestones y otro accessorionan pa bruid. BFTO, team forensico a presenta na e sitio pa hasi nan onderzoek y a tuma vingerprint como tambe sample di sanger cu a logra haya na e sitio riba e bentana kibra.
