Diamars madruga a drenta informe di un accidente riba e caminda pazuid pariba di Santo Largo na Savaneta, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un auto cu a pasa den plas di awa a perde control y a bay dal un palo di lus kibra despues a bandona e sitio. E personal di Elmar a ser pidi pa bin cambia e palo di lus y re-establece e suministro di coriento polis a haya testigonan y grabacion di camaranan di seguridad cual a capta e auto cu a comete esaki. Den e proximo dianan polis lo pasa cerca dje y pone para responsabel.
