Diadomingo madruga a drenta informe di un accidente cu hende herida na Sabana Liber, mesora a dirigi tanto polis como ambulans na e sitio. Na yegada di e patruya a bin encontra cu un Honda Fit tur destrui cu a bay dal riba un cura di cas y destrui esaki. Den e auto a bin encontra cu un dama drumi herida den e parti patras di e auto y sanger tabata sali for di su cabez dilanti. E dama a declara cu e chauffeur a bay lague eynan herida. Segun testigonan cu a yega eynan tempran a declara cu e homber cu tabata chauffeur tabata burachi y a bandona e sitio. Investigacion haci na e sitio ta indica cu e chauffeur lo tabata burachi coriendo cu velocidad halto y a baha caminda na man drechi net na e birada bayendo pabao y ora a bira dibiaha pa subi e caminda bek ela perde control bay di banda subi baranca y bay dal riba e cura di cas. Debi na e impacto aki tanto e chauffeur como e dama a resulta herida. Segun e testigonan e chauffeur lo ta herida na su banda parti ariba di su torso pero ela bandona e sitio. Na yegada di e ambulans nan a atende e dama y a transporte pa hospital.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

•