Polis a confisca e auto cual su number no ta cuadra y no tin nada na ordo!
Diasabra atardi laat un victima di accidente hit & run cu a sosode mas tempran na Perle d’Or a topa cu e Toyota Vitz cu a dal su auto mas tempran y a core bay. Mesora cu ela reconose e vehiculo ela avisa polis y nan a presenta. POlis di trafico tambe a presenta. Nan a haya e auto motor cendi y cu 2 persona aden di cual un di nan tabata completamente drumi y no kier a lanta. E otro persona a bisa cu e chauffeur a bay na un lugar cerca y polis a bis’e p’e bay busca e chauffeur. Despues di un rato e chauffeur a presenta y a bisa cu e number ta di un otro auto di dje pero pa e economisa e ta core cu e auto Vitz pero no tin su papelnan na ordo. E oficial di trafico a confisca e vehiculo, despues di basta trabao a logra baha e persona drumi y takelwagen a bay cu e vehiculo.
