Diabierna anochi a drenta informe di un accidente cu hende herida na Piedra Plat. Mesora a dirigi tanto polis como ambulans na e sitio. Na yegada di e patruya a bin compronde cu un Nissan Skyline cora bayendo pabao a bay banda robes di caminda y dal den banda di e Nissan Tiida den direccion contrario mandando e drei 180 grado. Polis a detene e chauffeur di Nissan Skyline cora cu lo tabata coriendo auto bao influencia. Na yegada di e ambulans nan a atende dama chauffeur como tambe un mucha cu tabata sinta patras den e Nissan Tiida cu a resulta herida y a transporta nan pa hospital.
