Awe mainta e a bai OM, na unda nan a ricibi’e hopi cordial, profesional, digno y despues e a papia cu prensa pafor di e edificio. Ta hopi menasanan, insulto, insinuacionnan el a ricibi for di un direcion cu ta conoci pe. Nan bin personalmente menase di kibra su c., kibra su cas y hasta nan a prohibi drenta Santa Cruz pe no haya problema. Districto na unda el a nace y traha duro den diferente orgainsacionnan. El no por comprende con hende no por respeta opinion di otro y semper mester bin cu insinuacionnan. Apesar di tur e menasanan aki y hasta un miembro di prensa y un consehero den e actual Gobierno a consehe cu e mester keha e hendenan, debi cu nan ta bai hopi lew, tog el scohe pa no haci esaki.
Precisamente ayera e tabata tin un reunion cu un Pastoor y esaki tambe a pidi’e pe cuida su curpa, debi cu cierto grupo ta bayendo demasiado lew. Nan a papia di e pobreza cu tin nos pais azota y como Religioso tur dia tin cu pasa aden, pa yuda esnan menos afortuna o pober,
Atardi el a ricibi un mensahe cu ta trata su bida y esaki enberdad a haci cu e no por a drumi y hasta lagrima a cai for di su wowonan. Su pensamento a bai ariba Cristo cu a yora pa Jesuralem. E tambe a yora pa su pais cu a bira un pais mafioso cu si bo no keda keto nan ta pone bo keda keto den nan forma, hopi biaha cu morto. Su pensamento a bai cu nos pais ta yena cu arma y cualkier persona por hinka den nan cabez pa caba cu su bida. Henter anochi e problema aki a keda den su cabez.
Su lucha ta un lucha husto, 6 anja pasa Aruba a entrega su Status Aparte, na momento cu e finanzas publico ta bow di control di Hulanda. Un pais cu no por dicidi ariba su propio finanzas no ta un pais liber. Politiconan a bira miyonario cu pension halto di 20, 30 te 70 mil pa luna, mas overbruggingstoelage cu a costa nos pueblo miyones y miyones di florin, Te na 1010 Ministro por a bai cu pension cu 45 anja y Parlamentario cu 50 anja. El ta puntra su mes si nan a cobra nan pension ora cu nan a yega e edad aki y sigui gana nan salario? Esaki no ta traha pa pueblo, pero pa nan mes, mientras nos pueblo ta pasando den un pobreza total y carisimo cu e belasting mas halto den mundo. Un bbo acumulativo cu ta yega na 36 %.
Su preocupacion mas grandi ta cu no tin ningun Gobierno por resolve e problema financiero cu e proyectonan PPP ta yega mas cu 7 biyon. Jamas nan por resolve e problema grandi aki. Cu un Gemeente nan por negosha esaki cu Hulanda y cu un bon maneho financiero nos por para ariba nos pianan. Un gemeente tin su mes un bandera, himno, gobierno, finanzas, impuesto. Aruba ta keda mantene su fiestanan, manera dia di Betico, 18 di Maart, dera gai, dande etc. Nos cultura ta keda mescos. Un isla sigura cu un pasaporte Hulandes garantiza.
Betico cu e ta considera su heroe, Betico tabata stima Hulanda, su lucha tabata pa sali for di constelacion Antiyano, ta keda nos LIbertador, dia 25 ta keda un dia Nacional, kisas cu mas reconocimento. Pa tur Gobiernonan Atan a yega di manda proposicionnan kiko mas por haci pa Betico, pero nunca el a ricibi un contesta ariba su proposicionnan. Un dia lo e cumpli su sonjonan pa Betico.
Te na momento cu a papia cu Atan awe tardi, nos ta comprende cu ainda e no a ricibi yamada di depatamento di recherche, debi cu e sistema no ta funcionando. Stranjo den tur esaki si ta con esun cu a menase cu ta recherche so sa, ni su famia, sa su nomber, ta con el por a haya Atan su number etc. Mayan e ta pensa un carta pa OM y hasta bai Landsrecherche pa haci denuncia cu te ainda su caso no a ser atendi y ta con e persona a menase a haya sa, apenas un ora despues su number y hasta a yame, sin cu Atan a conteste. E recherche cu a atende a para den gang y haci algun pregunta, specialmente a menciona e nomber di esun cu a menase asina duro cu tur hende eyden por a scucha. Amateur completamente, no respeta privicidad di dje, tur den oficina por a tende e combersacion, Atan mester confirma cu ta di eyden mes e acusado a haya tur informacion, debi cu ningun persona ni su famia tabata sa kende e tabata ta. Esaki e forma inprofesional di funciona. Durante e preguntanan cu e recherche tabata haci y a puntre si e conoce e acusado?
E siguiente paso ta manda un carta pa OM y bai landsrecherche,
