ORANJESTAD – Recientemente Coach Financiero Sr. Francis Groeneveldt di Lead2Success – organizacion especializa den Desaroyo Personal y Maneho di Finanzas a duna un tayer fi- nanciero na henter e ekipo laboral di FootFit Birkenstock Aruba. Directiva di dicho compania a mira e urgencia den e temporada di crisis cu nos ta aden y a opta pa inverti den nan empleadonan pa yuda nan pa nan ta miho ekipa pa e ‘Normal Nobo’ cu nos ta desaroyando aden.
“E tabata algo cu ta biba den curason di gerencia di FootFit Birkenstock Aruba caba; nan a yega di acerca nos den pasado pa ekipa cada miembro di nan organizacion pa siña nan presupuesta y maneha nan finanzas, pero pa motibo di tempo no a logra coordina henter e ekipo e tempo ey, pero mirando e reto financiero cu Covid-19 a trece mundialmente – sigur aki na Aruba cu fron- teranan cera trancando economia mirando cu Turismo ta nos unico pilar economico – a dicidi di prioritisa esaki mes ora. Asina cu comercio a habri bek, el a bira prome punto di agenda y asina a coordina henter e ekipo pa asisti Lead2Success su tayer financiero,” Groeneveldt a splica.
“Covid-19 ta un oportunidad pa companianan expresa aprecio den spirito di hermandad y soli- daridad. Manera nos tur sa, esaki no ta tempo pa bay bek na loke nos tabata conoce como ‘nor- mal’ pero ta mas bien un ‘Normal Nobo.’ Y den e ‘Normal Nobo’ aki, no tin espacio pa opera nos bida y finansas sin ordo y sin limitacion mas. Pa por sobrebibi, inteligencia financiero ta di gran importancia.”
“Aki companianan y departamento di recursonan humano mester por funda Programanan di Cui- do – Care programs – pa e bienestar financiero di nan empleadonan. Atendiendo asina cu e ‘falta di educacion financiero’ cu hopi ciudadano tabata tin caba, prome cu Covid-19 y mas ainda du- rante un temporada unda hopi empleado ta sinti nan reta pa logra cubri tur nan nesesidadnan ba- sico y unda te asta varios tin miembronan/yiu den nan propio hogar cu a perde trabou,” Groen- eveldt a añadi.
“Covid-19 a trece un presion financiero enorme pa hopi famia. Algo cu indudablemente ta drenta nan luga trabou. Contrario na e hecho cu esaki tin un efecto riba e animo y salud mental di e empleado, na mes momento, e ta trece un alivio enorme ora cu directiva provee un tayer fi- nanciero pa yuda trece alivio den esaki. E ta duna un sentido di communion cu ta bisa: “Hunto nos ta den esaki y Hunto nos lo sali for di esaki.”
“Esaki ta oportunidadnan pa union, unda companianan por expresa aprecio na nan empleadonan den un spirito di hermandad y solidaridad. E no solamente ta trece alivio, sentido di aprecio pero tambe fieldad di parti di miembronan di e ekipo, paso na fin di dia – no obstante e tipo di relacion sea personal of profesional – bida ta trata di humanidad y di crea relacionnan.”
“Nos ta siña nan con pa presupuesta, prioritisa, corta gasto, haci compras di manera mas efectivo y traha un plan pa logra nan obhetivonan di manera sigur kedando den un plan contingente. Tay- er por tuma luga na lugar di trabou mes,” Groeneveldt a elabora.
Na mes momento e Experto Financiero a manda un palabra di felicitacion na gerencia di FootFit Birkenstock Aruba y otro companianan cu ya caba ta tumando paso pa inverti den e bienestar financiero di miembronan di nan organisacion.
“Tin varios compania cu a expresa di tin un programacion saludabel caba instala, pero lo prioriti- sa Salud Financiero como e prome tayer post-Covid19 pa ranca sali cun’e.”
“Por tuma contacto cu Lead2Success na 5934543 of via info@lead2success.net pa coordina e iniciativa y hunto nos lo colabora pa trece speransa y dirigi un cambio di perspectiva den e mente di e empleadonan, pa nan propio bienestar y e bienestar di nan famia, cu lo indudablemente re- fleha den e operacion di e organisacion, como tambe nos nacion den su conhunto,” Groeneveldt a termina bisando.
