Fin di siman Parlamentario Hulandes, sra. Antje Diertens (D66) tawata na Aruba pa un bishita di trabou. Durante su estadia sra. Diertens a bishita y a haya presentacion di Parke Arikok y IBISA. Esaki den cuadro di e carteranan cu sra. Diertens ta encarga cune den Parlamento Hulandes. Mirando e desaroyo entre Aruba y Hulanda, y e hecho cu sra. Diertens ta parti di e comishon Hulandes di relacion den Reino, a haci uzo tambe di e oportunidad pa e profeshonalnan Arubiano encarga cu Sociaal Crisis Plan y Departamento di Finanzas, duna un presentacion amplio.
DIFERENCIA ENTRE PAISNAN DEN REINO
A splica sra. Diertens cu contrario na Corsow y Sint Maarten por ehempel, pais Aruba no a haya “schuldsanering” di Hulanda y tampoco tin debe cu Hulanda. Na mes momento a tuma tempo tambe pa duna un splicacion amplio di e diferencia entre e base legal di supervision financiero entre e paisnan. Corsow y Sint Maarten tin esaki ancra den un “consensus rijkswet” y Aruba den un ordenansa nacional.
CAFT
A splica e Parlamentario Hulandes tambe cu a señala cu CAFT ta uza cierto cifra ora ta manda carta pa Gobierno di Aruba, pero otro cifra ora ta manda carta pa Gobierno di Reino. Remarcabel ta cu apesar cu pais Aruba lo cumpli cu e normanan financiero stipula pa 2019, CAFT mes ta señala esaki, toch nan ta conseha pa duna Aruba un “aanwijzing”.
Departamento di Finanzas a splica e Parlamentario Hulandes, a base di nan proyecionnan y cifranan, cu pais Aruba lo cumpli tambe cu e norma stipula pa loke ta gastonan di personal. Y na mes momento Aruba ta trahando pa mehora nan “personeelsksotenplanning”.
PA CONCLUI
Fraccion di MEP a splica cu ta importante pa Gobierno di Reino, tambe duna di nan banda pa haci’e posibel pa logra finanzas duradero. Hulanda mester scohe pa forma parti di e solucion, fortifica otro enbes di constantemente impedi y crea un esfera negativo, sin motibo valido. E profeshonalnan di Departamento di Finanzas a duna sra. Diertens un copia di tur e informacion obhetivo pa asina e por wordo comparti cu su coleganan Hulandes.
