Dialuna mainta a drenta informe di un accidente cu hende herida na Pastoor Hendrikstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un ciclista bayendo pabao a hay su mes cu un auto a bay bira su dilanti y e ciclista a dal riba dje. E impacto y caida aki a laga e ciclista herida. Na yegada di e ambulans nan a atende e victima y a transporte pa Centro Medico.
