Diasabra anochi durante patruya polis a bin topa cu un accidente cu a caba di sosode riba e caminda di Ponton, mesora nan a baha atende. Ta trata aki di un accidente unda cu e chauffeur di un Toyota Tercel coriendo auto bao influencia no a regula su velocidad ni a mantene distancia a bay dal tras di un Toyota Yaris. Aunke cu e impacto tabata fuerte y e chauffeur di e Tercel a dal su cabez na e windshield toch afortunadamente ningun hende a resulta herida. Na un dado momento mientras ta spera e polis di trafico un van a hera bay dal tras di e patruya cu zwaailicht sendi, mesora ambos agente a bay atende cu e chauffeur di e van anto e chauffeur di e Tercel a haya un chance y a bandona e sitio.
