Diadomingo anochi ora cu Polis tabata tranportando un detenido herida pa hospital, a bin wak un auto baha caminda bolter na e Green Corridor dilanti H.K. Tailors, mesora e oficialnan a raporta cu aki ta trata di un accidente hopi serio cu 2 persona herida di cual un a tabata pafo di e auto ta colga mientras e otro tabata den e auto y a pidi pa mas patruya y ambulans cu urgencia. E situacion di un di e victimanan tabata basta serio. Ta trata aki di e Toyota Brevis blanco A55117 cual tabata bayendo pabao riba e Green Corridor pero a perde control baha caminda dal na e vangrailsnan y a bolter bay cay banda d un cas den construccion pabao di H.K. Tailors na Wayaca. Na yegada di e ambulans nan a atende e victimanan y a transporta nan pa hospital cu urgencia.
Esey ta mi rumann y boso no tin repect pakiko boso kier pone full su cara riba mediaaaa….. pesey boso ta hanja boso mes den yen problemaaa respecta e victima y su famiaaa ban ta seriooooo…bo ta kere ta algo bn boso ta hasi boso ta sinta pensaaa con a famia nan ta sinti di wak nan serkeri asina ban ta seriooo
Señora cu tur respet, ta duel nos sinceramente locual cu a pasa cu bo ser keri, nos ta un website cu ta informa suseso, mesun cos cu bo por a mira e dolor di otro ta duelnos cu bo a mira esun di bo familiar. Bo tin tur derecho pa rabiaz,zundra y reclama ningun di esakinan por retrocede e tempo pa scapa bo familiar. Aki ta e realidad bo ta mira. Si esaki ta causa bo persona dolor y rabia mihor bo no wak e site aki mas. Danki tog pa a bishita nos y expresa bo sentimentonan. Pasa un bon dia voorderest.