Diadomingo algun minuut prome cu marduga un patruya riba caminda di Ponton a tuma nota di un chauffeur cu lo a accidenta den cura di cas y purba bandona e sitio. A atende cu e chauffeur y a avisa Forensys di e accidente. Ora cu a yega pa investiga kiko a pasa e chauffeur a traha un storia di cu un auto lo a dal e poniendo e perde control y dal den cura di cas. Pa e motibo aki a bolbe pidi polis na e sitio pa atende cu e chauffeur aki cu lo ta bou di influencia di alcohol. Investigashon hasi na e sitio a saca afor cu e chauffeur biniendo for di Noord lo a tuma e bocht cu velocidad mucho halto y a dal den acera prome cu e bay baha e otro banda di caminda y dal den cura di cas. E chauffeur a purba di bandona e sitio pero no a yega mucho leu. Ora polis a yega na e sitio e di 2 biaha a bay over na detene e chaufferu pa a causa un accidente bou influencia y pa a purba bandona e sitio. Dogcatcher a wordo pidi na e sitio y a transporta e detenido pa warda di polis.
