ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Paradera cu entrante dialuna dia 1 di juni 2020 te cu 1 di september 2020 lo bay haci e caminda dilanti Misa Sta. Filomena na Paradera un solo direccion.

Motibo di e cambio temporal akinan ta cu construccionnan ta andando dilanti Misa Sta. Filomena.

Desviacion ta cu lo tin di drenta e caminda for di e rotonde direccion Paradera-Jaburibari, na e T-weg di School Pastoor Kraanwinkel direccion zuid.

Lo indica e cambio di direccion cu borchi nan di trafico.

En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.