Siguiendo e instruccionnan di Alto Comisario interino Sra. Vanessa Tjon-Kock pa evita ladronicia y atraco, polisnan ta patruyanan extra cu mas atencion na prevencion. Autonan sospechoso ta ser para y controla, scooternan tambe, hendenan na pia comportando sospechoso ta ser para y revisa. Den cuadro di esaki polis a para un scooter y a confisca esaki ya cu e papelnan no tabata na ordo. E controlnan aki lo sigui y lo ser mas intensifica.
