Diahuebs merdia a drenta informe di cu un auto a bolter net prome cu rotonde Ponton riba Watty Vos Boulevard. Mesora a dirigi tanto polis, ambulans y brandweer na e sitio. Na yegada di e patruya a bin compronde cu e auto a faya y esaki a pone cu e chauffeur a perde control y a dal den e separacion di e vianan y a bolter. Na yegada di e ambulans nan a atende e chauffeur di e auto cu tabata tin dolor di pecho y a transport’e pa hospital.
