Diaranzon atardi durante patruya polisnan pasando den Catiri a topa cu un accidente cu a caba di pasa. Ta trata aki di un accidente unda cu un chauffeur no a regula su velocidad ni a mantene distancia a bay dal tras di e auto su dilanti. Debi na e impacto un persona sinta den e auto di dilanti a resulta herida pa cual motibo a solicita presencia di ambulans na e siti. Na yegada di e ambulans nan a atende e victima na e sitio mes.
