Diasabra anochi Aruba a conoce e di dos morto den trafico pa aña 2020. Ta trata aki di e accidente na Sero Pita unda un Suzuki Swift a bai pasa un Nissan March y a dal frontal na un otro Nissan March. Cuerpo Policial a confirma na sitio cu un miembro di Cuerpo Policial na civil a fayece den e accidente aki. Di parti di Awe24.com ta manda palabranan di condolencia na famia di e fayecido.
CUERPO POLICIAL TA INFORMA:
Di dos morto den trafico
Diasabra anochi pa 10:43 central di polis ta wordo notifica di un accidente basta fuerte cu a tuma lugar riba e caminda di Piedra Plat pa Sero Pita. Na yegada di patruya ta pidi ambulance cu urgencia miranda e gravedad di dos victima na e sitio.
A pidi specialista di trafico , polis technico y tambe slachtofferhulp.
Loke por a compronde ta cu aparentemete e Nissan March color blanco numera A- 31587 a duna señal pa bira na man robez, e auto Suzuki Swift blauw numera A-37161 lo mester a bay pase y a dal frontal den un Nissan March color licht biña numera A-71465.
E chauffeur di e Susuki Swift a ser trata pa personal di ambulance pero lamentablemente no por a haci nada. Pa 11:25 dr Texier ta constata morto di Leonard Anthony Boekhoudt naci na Aruba 27 oktober 1985. Ta trata di un colega polis .
E chauffeur femenino den e auto Nissan March color licht biña a wordo transporta cu maximo urgencia pa hospital y su situacion ta hopi grave.
E caso ta bao investigacion.
Cuerpo Policial ta manda palabra di condolencia na famia y tur nos coleganan di Cuerpo Policial.
