Nos no tin problema cu autoridad nos tin bon contacto cu polis y nos ta respeta nan funcion, pero ultimamente nos a bin ta haya nos cu algun di polisnan novato cu djies pasobra nan ta cana cu uniform y arma y cu ta kere nan a bira todopoderoso supercop ta malusa nan poder pa hunga grandi, cu cual meta nos no sa. Nos tin mas di 35 aña ta traha den prensa y nos a sa di gana respet y aprecio cerca esnan mas experencia y por bisa cu nunca nos no a encontra un resistencia ni un restriccion manera awor. Pa medio di esaki nos ta roga alto comisario interino, demas comisarionan, hefenan di departamento, wachtcommandantnan pa papia cu nan sub-ordinadonan pa nan cambia nan actitud pasobra si no hacie nan lo bay enfrenta hopi problema riba caya.
Pa esnan cu ainda tin duda, asina aki polis ta respeta Prensa na Hulanda y na otro parti mundo
Ta parce cu aki na Aruba no tin libertad di Prensa, ta blo censura censura y censura. E censura aki ta perjudica e desaroyo di un pais. Ta conosi cu mundialmente Prensa ta liber y por haci nan trabao libremente ata aki un video con prensa ta funciona na Hulanda.
LIBERTAD PA POR TRAHA LIBREMENTE NA UN DISTANCIA RASONABLE 
PRIVACIDAD DI ESNAN ENVOLVI NO TA NINGUN MOTIBO PA TENE NA DISTANCIA 
PRENSA POR SACA CUALKIER FOTO, TA DESPUES REDACCION LO REVISA E ETICA 
PRENSA POR SACA CUALKIER FOTO DI SIRBIDORNAN Y VICTIMA 
POLIS NA E SITIO POR CONTA GLOBAL LOCUAL POR MIRA Y LOKE POLIS TA HACI
UN PAIS CU NO TIN LIBERTAD DI PRENSA, NO TIN DEMOCRACIA!
BIBA POLIS, BIBA PRENSA. HUNTO NOS TUR LO PROGRESA!
Aruba lo bira Police State…
Mane loco nan ta core riba caminda..
Ma wak con nan saka e homber grandi for di su auto siman pasa na Noord..
Increibel…idiootnan!!