Diasabra madruga a drenta informe di un accidente na altura di Citgo Boulevard, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e Toyota Corolla numera A-48104 a pasa den direccion prohibi na altura di Citgo y a accidenta frontal contra un ambulance di direccion contrario. E chauffeur tabata biniendo for di direccion pabou cu intencion pa bay pariba. E chauffeur no a sigui cu e splitsing, el a sigui straight y ocasiona e accidente. Esaki no tabata suficiente, mirando cu e chauffeur tabata bao influencia di alcohol. Polis a detene y transport’e pa warda pa asina e haya un cuarto gratis na Warda. Afortunadamente ningun hende a resulta herida.
