Diamars anochi a drenta informe di un sonido fuerte manera un explosion cuba ser scucha den Babijn, mesora a dirigi patruya na e sitio. Na yegada di e patruya a bin compronde cu un habitante y su famia a scucha un sonido fuerte pero no por a saca afor di unda esaki a bini. Polis como tambe e patruya di control di e costanan a busca den full e area pero no a bin encontra cu nada. A keda di bolbe pasa den oranan di mainta cu tin claridad.
