Oranjestad – E directiva di e New China Club Cooperative Association na Aruba, representando e comunidad Chines a haci entrega di un donacion di 11.000 mask na Minister Maduro. E masknan aki ta especialmente pa esnan cu na e momentonan aki ta trahando den frontline den diferente departamento di Gobierno y tambe pa miembronan di Cuerpo Policial.
Sr. William Cheng, presidente di e directiva di Club Chines a bisa cu nan kier duna un aporte na especialmente e trahadornan den sector publico cu ta brindando servicio y tambe e polisnan pa asina nan tambe ta bon proteha ora nan ta eherce nan labor.Alabes Sr. Cheng a anuncia cu comunidad Chines lo sigui yuda comunidad di Aruba especialmente den e situacion di crisis di COVID-19 y cu pronto lo yega dos container cu cuminda cu lo bay wordo reparti na esnan di mas necesidad.
Minister Maduro a bisa cu Gobierno di Aruba ta aprecia e contribucionnan aki di parti di comunidad di Chines pa nos pueblo di Aruba y a gradici e comunidad Chines pa nan aportepositivo na e momentonan aki cu Aruba mas mester di nos tur sucooperacion, empatia y sosten.
