Dialuna madruga a drenta informe di un caso di kiebro cu ladronicia na BBS na Bushiri, mesora a dirigi un patruya na e sitio. Na yegada di e patruya a bin compronde cu alrededor di 3or y 10 di madruga e alarma a bay on y e compania di seguridad a manda un patruya na e sitio. Eynan a descubri cu ladronnan a forsa e porta y a drenta paden pa horta. E ladronnan a dal den duro pasobra nan a djies bay cu e lachi di e cashregister bashi y cu un safe conteniendo unicamente un moneda di 5 Florin.
