na Hulp Bestuurskantoor San Nicolas
Diaranzon den oranan laat di anochi dia 18 di maart 2020 un rumor infunda a cuminsa circula via Whatsapp, na unda ta alega cu tin contagio di Corona Virus na Hulp Bestuurskantoor San Nicolas y ta informa cu e edificio ta contagia. Hulp Bestuurskantoor San Nicolaas ta lamenta y refuta esaki completamente.
Hulp Bestuurskantoor San Nicolaas a ser drecha den transcurso di siman pasa y e dialuna cu a pasa a desinfecta e edificio. Y asina e luga a ser poni den bon estado di trabao.
A pone un sIstema di rotacion den e empleadonan pa evita aglomeracion y a baha e cantidad di cliente den e edificio.
Hulp Bestuurskantoor San Nicolas ta sigui e protocol estableci pa Gobierno di Aruba y pro-activamente a tuma pasonan preventivo, manera manda personanan di risico halto cas pa keda den cuarentena. Y esaki a sosode tambe cu un empleado cu a bishita un praktijk di dokter.
Nos prioridad como Hulp Bestuurskantoor ta tene e higiena y siguridad di nos empleadonan y di nos clientenan na prome luga.
Alaves ta lamenta e alegacionnan falso cu ta circulando. Esakinan ta genera panico, miedo y desconfiansa inecesario entre e coleganan y e contribuyentenan. Por ultimo ta haci un suplica na comunidad di Aruba pa practica recomendacion di prevencion di Coronavirus COVID-19.
