Diasabra atardi a drenta informe di un accidente hit & run riba caminda di Cumana pa Morgenster, mesora a dirigi varios unidad na e sitio. Mientrastanto e chauffeur victima a persigui e auto den Wayaca y Primavera mientras tabata cu Polis na telefon ta duna e informacion di unda e Lexus A-11102 tabata coriendo bay. Ta asina cu e Chauffeur di un Hyundai Getz A-58300 tabata bayendo direccion pariba riba e caminda di Cumana pa Morgenster y a nota un auto coriendo irresposable ta haal in varios auto, ela purba di baha caminda pa e Lexus cu tabata pasando auto pero esaki pa pasa dal den banda di su auto. Cu actuacion liher di polis a logra topa y para e Lexus panort di e rotonde di Ex-Marathon. Na sitio a test e chauffeur y a resulta cu e ta bou di influencia di alcohol ya detene e chauffeur ora di buska den su auto a bin encontra un potchi cu droga y a confisca esaki. Polis di trafico a asisti ambos na Meiveld na e sitio di accidente como tambe na e sitio di detencion pa tuma relatos y informacion di e danjonan material causa pa cu e accidente.
