Diamars atardi a drenta informe di un accidente unda cu un auto lo mester a bolter serca di e ex-edificio di B.G.D., mesora a dirigi tanto polis como ambulans pa e sitio. Na yegada di e patruya a bin constata cu no ta un auto a bolter sino un chauffer dado momento a subi acera dal un palo di luz y esaki a causa cu e vehiculo a kentel na su banda. Precensia di Brandweer a ser pidi pa asina por a asisti cu saca e chauffeur di e auto, mientrastanto ambulans a logra trata e pasahero pasu rascanan ricibi. Ambulance a pone oxigeno pa e chauffeur cu tabata ansha den e sitiuacion tenso. Cu presencia di Brandweer a logra saca e dama for di e vehiculo pa asina por a transporta ambos chauffeur y pasahero pa hospital pa tratamento medico.
