Diamars anochi a drenta informe di cu na Santa Cruz un auto lo a dal un dama y sigui core bay, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un auto a pasa dal un dama crusando caminda y a sigui core bay. Testigonan cu a presencia e susedido a raporta esaki na polis. Na yegada di e ambulans nan a atende e victima cu a haya basta sla na su curpa y cabes y tabata keha di dolor. Nan a transporta e victima pa un revision mas extensivo na hospital. Polis a keda pendiente investigando e accidente aki.